Delhi Station Par Sab Kuch Lut Gaya, Aaj Wahi Ladka Ek Successful Cook Hai
Delhi station par jab Manoj train se utra, uske paas sirf ek chhota sa bag aur bahut saare sapne the. Manoj ki age sirf 20 saal thi. Gaon se Delhi aaya tha, socha tha kaam karega aur apni zindagi sudhaarega. Lekin use kya pata tha ki shehar pehle hi din uski itni badi pariksha lene wala hai. Station par bheed bahut zyada thi. Isi bheed ka faida uthakar kuch chor Manoj ka saara saman aur paisa chura lete hain. Jab Manoj ko pata chalta hai, tab tak sab kuch khatam ho chuka hota hai. Na paisa bacha, na khana, aur na hi koi pehchan. Manoj wahi station ke kone me baith kar rone lagta hai. Agle kuch din Manoj ke liye sabse mushkil the. Kabhi poora din bina khaye rehna padta, kabhi bhookh itni badh jaati ki kachre ke dabbe se kharab food khana padta. Shehar ki bheed me Manoj bilkul akela tha. Na koi poochne wala, na koi sahara. Lekin kehte hain na, jab hausla zinda hota hai to kismat bhi saath dene lagti hai. Kuch din baad Manoj ko ek chhote se dhabe par bartan dhone ka kaam mil ...